არეული ოთახის ფსიქოლოგია – დომხალი შემოქმედებით უნარებს ზრდის

0
7617

თუკი მაგიდაზე დომხალი გონებაში დომხალს უდრის,

რა უნდა ვიფიქროთ ცარიელი მაგიდის შესახებ?

ალბერტ აინშტაინი

მშობლებით იწყება.. მერე  მასწავლებლები, თანამშრომლები, მეგობრები… ყველა იმაზე წუწუნებს, რომ ძალიან მოუწერიგებელი ხართ და თქვენს ოთახსა თუ სამუშაო მაგიდაზე ნამდვილი დომხალია. ჩვენ გვასწავლიდნენ, რომ წესრიგს უნდა მივეჩვიოთ, რადგან ეს ორგანიზატორული უნარების განვითარებას უწყობს ხელს, რაც თითქოს ასე აუცილებელია მომავალი წარმატებისთვის, თუმცა თანამედროვე ფსიქოლოგებმა უკვე სხვანაირად ფიქრი დაიწყეს.

ალბეტ აინშაინის სამუშაო მაგიდა
ალბეტ აინშაინის სამუშაო მაგიდა

რა ხდება თქვენს სამუშაო მაგიდაზე ახლა? ცარიელი ფინჯნები, სანახევროდ გაკეთებული პროექტები, ნაჯღაბნი ფურცლები… ეგებ სავსე საფერფლეც, კოკაკოლის ქილა, ან სამკაულებიც ეყაროს… მარტივად ვთქვათ – ქაოსი.  სხვების თვალში ასეა, თუმცა ხანდახან  ადამიანების არეულობა მეთოდურია.

სტივ ჯობსის სამუშაო ოთახი
სტივ ჯობსის სამუშაო ოთახი

მინესოტას უნივერსიტეტის ფსიქოლოგი კეტლინ ვოზი  შეეცადა გადაემოწმებინა რამდენად არის ერთმანეთთან კავშირში ორგანიზატორული უნარები, არეული ოთახი და წარმატება.კვლევამ აჩვენა რომ  არეული ოთახების პირობებში შემოქმედებით უნარები, ადამიანის კრეატივი გაცილებით მაღალია.

twain

 

როგორ? პირველ რიგში, კრეატიული აზროვნება საყოველთაოდ მიღებული მსჯელობისგან განსხვავდება. აინშტაინს მოსწონდა არეული ოთახი და მიაჩნდა რომ ყოველგვარი ქაოსი გარკვეულ კანონზომიერებას ემორჩილება. ის მარტო არ იყო. მარკ ტვენი თავის პერსონაჟებს მისი არეული მაგიდის პირმშოებად თვლიდა. ქაოსი ჰქონდა მაგიდაზე სტივ ჯობსსაც. ვოზი მიიჩნევს, რომ მათ გენიალურობაში გარკვეული წვლილი არეულობამაც შეიტანა.

mark-zuckerberg-office-e1388429978241

 

მოკლედ, არეულობა სულაც არ ნიშნავს უწესრიგობას. ის, რაც პედანტ ადამიანებს დომხალი ჰგონიათ, შემოქმედებითი ადამიანების დალაგების სისტემაა, რომელშიც თავად შესანიშნავად ახერხებენ იმ ნივთებისა და იდეების პოვნას, რაც თავად სურთ. ასე რომ, ნურასოდეს ნურავის მოუბოდიშებთ არეულობის გამო, ყველამ თავის მოწესრიგებულ გონებას მიხედოს! 🙂

 Dare to be you! 

loading...